घटक २ : जलसंधारण
प्रकरण ३ : जलसंधारण व लोकसहभाग
उपक्रमाचे नाव :
परिसरात राबवण्यात आलेल्या एका जलसंधारण योजनेची/उपक्रमाची व त्यातून पूर्ण केलेल्या एका कामाची प्रत्यक्ष भेट देऊन माहिती घेणे.
उपक्रमाचा उद्देश / महत्त्व :
उत्तर : ज्या क्षेत्रात अपुरा व अनियमित पाऊस पडतो, तो पाऊस अडवून जमिनीत मुरवणे व पाण्याचा तीव्र प्रश्न सोडवण्यासाठी एकत्र येऊन लोकसहभागातून उपाय काढणे.
उपक्रमासाठी नियोजित कालावधी :
उत्तर : हा उपक्रम पूर्ण करण्यासाठी नियोजित कालावधी १५ दिवस.
साहित्य व उपकरणे :
उत्तर : १) पेन २) पेन्सिल ३) मोबाईल ४) माहिती ५) पुस्तिका ६) संदर्भ ग्रंथ इत्यादी.
उपक्रमाची कार्यपद्धती : जलसंधारण योजना/उपक्रमाची उद्दिष्टे, अंमलबजावणी व पूर्ण झालेल्या कामाची गरज, ठिकाण, क्षेत्र, उपयुक्तता, परिणामकारकता याबाबत सविस्तर माहिती :
उत्तर : * योजना : १) ही महाराष्ट्र शासनाने व विविध सामाजिक संस्थांनी सुरू केलेली योजना आहे.
२) पाण्याचे वितरण असमान आहे आणि म्हणूनच बऱ्याच भागात पावसाची तसेच भूजलाची कमतरता भासते.
३) यावर उपाय म्हणून अभिनेता आमीर खान व सहकाऱ्यांनी 'पाणी फाउंडेशन' ची स्थापना केली.
* अंमलबजावणी : अभिनेता आमीर खान व 'सत्यमेव जयते' च्या टीमने महाराष्ट्रातील दुष्काळग्रस्त गावांसाठी 'वॉटर कप स्पर्धा' आयोजित करून लोकसहभागाची चळवळ उभी केली.
* ठिकाण : पाणलोट क्षेत्र विकासांतर्गत दुष्काळग्रस्त तालुक्यांमध्ये पाणी फाउंडेशनचे काम व्यापक स्वरूपात राबवण्यात आले.
* कामाची गरज : पिण्यासाठी, स्वच्छतेसाठी, मानवी आरोग्य संवर्धनासाठी, वनस्पती संवर्धनासाठी व शेती समृद्धीसाठी पाण्याचा पुरवठा नियमित करणे.
