उत्तर : ठिकाण : पाणलोट क्षेत्र विकासांतर्गत सातारा या गावी ओढ्यावर वनराई बंधारा बांधण्यात आला आहे.

कार्यवाही :

१) गावात वाहत असलेल्या ओढ्यावर वनराई बंधारा बांधण्यात आला आहे.

२) वनराई बांधण्याची जागा पक्की केल्यानंतर जेव्हा ओढ्यातील पाण्याच्या प्रवाहाची गती कमी होते, तेव्हा वनराई बंधारे बांधले जातात.

३) बंधाऱ्याची उंची जास्तीत जास्त २ मीटर पर्यंत ठेवता येते.

४) तळाची रुंदी ०.६० मीटर, मधल्या भागाची रुंदी ०.४० मीटर असे वनराई बंधारे उपयुक्त ठरतात.

५) ज्या ठिकाणी ओढ्याची रुंदी जास्त व खोली कमी अशी जागा निवडली जाते.

६) त्या ठिकाणचे पाणी वाहत्या स्वरूपात असावे.

उत्तर : ७) यांचे बांधकाम सिमेंटची रिकामी पोती, माती, वाळू व दगड यांच्या साहाय्याने करता येते.

८) हा बंधारा वनराई संवर्धनाचे काम करतो म्हणून यास 'वनराई बंधारा' म्हणतात.

९) प्रवाहाच्या कमी रुंदीच्या ठिकाणी निवड यासाठी करण्यात येते. हा बंधारा उभारण्याचा खर्च कमीत कमी असावा व त्याद्वारे जास्तीत जास्त फायदा मिळावा अशी यामागील भूमिका आहे.

* परिणामकारकता :

१) सक्षम जलस्रोतांची निर्मिती होते.

२) पावसाचे वाहून जाणारे पाणी याने अडवण्यात येते व हवे असल्यास अशा प्रकारच्या बंधाऱ्यांची साखळी करून पाणी जमिनीत जिरवता येते.